GE
Glovo-ზე გამოვაცხადეთ ახალი სარეიტინგო სისტემის შესახებ, რომელიც პარტნიორებს საშუალებას აძლევს, გააუმჯობესონ აპლიკაციაში თავიანთი ობიექტების პოზიცია. ახალი ალგორითმი მიზნად ისახავს ყველა ობიექტისთვის სამართლიანი შესაძლებლობის მიცემას, მათ მუშაობიდან გამომდინარე. რეიტინგის სისტემა, ასევე, ითვალისწინებს პარტნიორებს, რომლებიც ახლახან შემოუერთდნენ პლატფორმას, აგრეთვე, მომხმარებლებთან მათ სიახლოვეს.
Glovo-ზე ჩვენი ახალი სარეიტინგო სისტემა 4 ფაქტორზეა დაფუძნებული: ხილვადობის პროცენტული მაჩვენებელი, პარტნიორის მუშაობა, სიახლე და მანძილის ფაქტორი.
მოდით, დეტალურად გავეცნოთ თითოეულს…
მეტი გაყიდვის მქონე პარტნიორები კედელზე უფრო მაღლა გამოჩნდებიან.
შეიტყვეთ მეტი იმ სამი მთავარი ცვლადის შესახებ, რომელიც ყველა ობიექტს დაეხმარება საკუთარი მიტანის ბიზნესის გაზრდაში, აპლიკაციაზე მენიუს გაუმჯობესებით დაწყებული.
ობიექტები, რომლებსაც უკეთესი სურათები, აღწერები და მიმოხილვები აქვს, რესტორნის ვებსაიტის ჩათვლით, უკეთ მუშაობს. პროდუქტები, რომლებსაც დართული აქვს სურათები და აღწერები, 3-8 ჯერ მეტი სიხშირით ემატება კალათში.
მომხმარებლები ამჯობინებენ, აირჩიონ ობიექტები მათი კერძების აღწერის მიხედვით, რადგანაც ის შეიცავს მათთვის მნიშვნელოვან ისეთ ინფორმაციას, როგორიცაა ინგრედიენტები, პროდუქტის ზომა, ალერგენები. ამიტომაც უნდა იყოს აღწერა სწორად გამიზნული (არაუმეტეს 250 სიმბოლო) და წარმოდგენილი იყოს პროდუქტების უმეტესობისთვის. ასევე, სურათების დართვა პროდუქტებს მომხმარებლებისთვის ვიზუალურად გაცილებით მიმზიდველს ხდის. ჩვენი გამოკვლევა აჩვენებს, რომ პროდუქტები, რომლებსაც დართული აქვს ფოტოები, იყიდება 3-ჯერ მეტი სიხშირით, ვიდრე ის პროდუქტები, რომლებიც წარმოდგენილია ფოტოს გარეშე.
ამ პოსტში შეიტყობთ, თუ როგორ მიიღოთ მაქსიმალური სარგებელი თქვენი მენიუსგან.
ხილვადობის პროცენტული მაჩვენებლის გაუმჯობესების კიდევ ერთი გზა, რომელიც თქვენს ობიექტებს დაეხმარება Glovo-ს აპლიკაციაში უკეთესი პოზიციის მოპოვებაში, არის პრომოაქციების შექმნა
პრომო სწრაფი და მარტივი შესაქმნელია, მისი გაშვება 10 წუთზე ნაკლებ დროში შეგიძლიათ შეკვეთების აპლიკაციის მეშვეობით, მობილური მოწყობილობების, დესკტოპის ან Glovo-ს Sunmi-ს გამოყენებით.
პრომოაქციის შექმნა უფასოა, მხოლოდ მომხმარებლებისთვის შეთავაზებული ფასდაკლებების საფასურის დაფარვა მოგიწევთ. ამგვარად, სრულად გააკონტროლებთ თქვენ მიერ შექმნილ პრომოაქციებს, მათ შორის, მაქსიმალური ბიუჯეტის განსაზღვრით ან თარიღებისა და საათების არჩევით, რომლის დროსაც გსურთ, გაააქტიუროთ თქვენი პრომოაქციები ან შეაჩეროთ ნებისმიერ დროს.
პრომოაქციების შექმნამ შეიძლება გამოიწვიოს შეკვეთებისა და ახალი მომხმარებლების ზრდა. ობიექტებს შეუძლიათ მიიზიდონ მომხმარებლები ისეთი პრომოაქციების შეთავაზებით, როგორიცაა უფასო ან ფიქსირებული მიტანა და, ასევე, ფასდაკლებები ან 2 პროდუქტი 1-ის ფასად. შეიტყვეთ, თუ როგორ შექმნათ პრომოაქციაამ პოსტის მეშვეობით.
დაბოლოს, ფასები ხილვადობის პროცენტული მაჩვენებლის მნიშვნელოვან ფაქტორად ითვლება. ეს ნიშნავს, რომ თქვენ მომხმარებლებს პროდუქტები სამართლიან ფასებში უნდა შესთავაზოთ.
პარტნიორები, რომლებსაც აქვთ უკეთესი რეიტინგი, მოცდის დრო და გაუქმების სიხშირე, კედელზე უფრო მაღლა გამოჩნდებიან. ამგვარად, Glovo-ზე, აპლიკაციაში უკეთესი პოზიციის მქონე პარტნიორებს ვასაჩუქრებთ იმ ობიექტებისთვის, რომლებიც თავიანთ მომხმარებლებს სთავაზობენ უკეთეს გამოცდილებას. კმაყოფილი მომხმარებლები ყოველთვის უკვეთავენ ხელახლა!
მომხმარებლები ცუდ შეფასებებს იძლევიან მაშინ, როდესაც აქვთ იმის გამოცდილება, რომ მათ შეკვეთას აქვს ნაკლული ან არასწორი პროდუქტები, ან თუკი კერძი ცუდი გემოსი ან ცუდი ხარისხისაა. შეიტყვეთ, თუ როგორ აიცილოთ თავიდან ცუდი შეფასებები ამ რჩევების მიხედვით.
პარტნიორის მუშაობის ფაქტორში, ასევე, გათვალისწინებულია მოცდის დრო, რადგანაც ეს ზრდის მომხმარებლის კმაყოფილებას. გაითვალისწინეთ დრო, რომელიც სხვადასხვა კერძის მომზადებას სჭირდება და დააჭირეთ ღილაკზე — „შეკვეთა მზადაა“, როგორც კი მზად იქნება, რათა გლოვერმა დროულად აიღოს შეკვეთა („შეკვეთა მზადაა“ ღილაკი ყველა ქალაქში შეიძლება არ იყოს ხელმისაწვდომი). გჭირდებათ რჩევები, თუ როგორ გააუმჯობესოთ მოცდის დრო? აღმოაჩინეთ რამდენიმე გამოსადეგი რჩევა ამ პოსტში.
დაბოლოს, გაუქმებები არის მესამე რამ, რაც გასათვალისწინებელია, როგორც მუშაობის ფაქტორი Glovo-ზე. თქვენ თავიდან უნდა აირიდოთ შეკვეთის გაუქმება იმ კონკრეტული პროდუქტის დეზაქტივაციით, რომელიც იწურება და, ასევე, შეცვალოთ განრიგი, თუკი დაკეტვას აპირებთ. გსურთ, შეიტყოთ მეტი? ამ პოსტში შეიტყვეთ, თუ როგორ აიცილოთ თავიდან შეკვეთების გაუქმება.
ახალი ხართ Glovo-ს აპლიკაციაზე? მეტი სამართლიანობისთვის, ახალი რეიტინგი ითვალისწინებს ობიექტის სიახლეს და მას კედელზე უფრო მაღლა აჩვენებს.
დაბოლოს, რეიტინგის დასადგენად მანძილი მეოთხე ფაქტორი იქნება. ეს ნიშნავს, რომ პარტნიორები, რომლებიც მიტანის მისამართთან უფრო ახლოს არიან, გამოჩნდებიან უფრო წინ, ვიდრე სხვა დანარჩენი ობიექტები. ეს, ასევე, დაგეხმარებათ, გქონდეთ უკეთესი მოცდის დრო და, შესაბამისად, მომხმარებლების უკეთესი გამოცდილება.
